ரூ.2000 நோட்டுக்களை இனி கேஷ் டெபாசிட் மிஷின் ஏற்று கொள்ளாதா? அதிர்ச்சியில் வாடிக்கையாளர்கள் 1784161705

ரூ.2000 நோட்டுக்களை இனி கேஷ் டெபாசிட் மிஷின் ஏற்று கொள்ளாதா? அதிர்ச்சியில் வாடிக்கையாளர்கள்

கடந்த சில மாதங்களாக 2000 ரூபாய் நோட்டுகளை வங்கியின் டெபாசிட் மிஷின்கள் ஏற்றுக்கொள்வதில்லை. சில நோட்டுகள் பழுதாகி விட்டதாக இயந்திரங்கள் காரணங்கள் கூறுகின்றன.

இதுகுறித்து மூத்த எஸ்பிஐ வங்கியின் அதிகாரி ஒருவர் கூறியபோது 2000 ரூபாய் நோட்டுகளை தற்போதும் ஏற்றுக்கொள்ளும் வடிவத்தில்தான் கேஷ் டெபாசிட் மெஷின்கள் உள்ளன. ஆனால் அதே நேரத்தில் நோட்டுகள் மடிப்பு அல்லது சேதமாகி இருந்தால் 2000 ரூபாய் நோட்டுகள் மட்டுமின்றி வேறு எந்த வடிவமாக இருந்தாலும் அவை இயந்திரங்கள் ஏற்றுக்கொள்ளாது. அத்தகைய குறிப்புகள்தான் இயந்திரங்களுக்கு வைக்கப்பட்டுள்ளன என்று கூறினார்.

வங்கிகள் கொடுக்கும் நோட்டுகளின் தரம் குறைவாக இருக்கும்போது அதே தரமுள்ள 2000 ரூபாய் நோட்டுகளை டெபாசிட் மிஷின்கள் மட்டும் ஏன் ஏற்றுக் கொள்ளவில்லை என்பதுதான் பெரும்பாலான வங்கி வாடிக்கையாளர்களின் கேள்வியாக இருக்கின்றது.

இதுகுறித்து தனியார் வங்கி நிர்வாகி ஒருவர் கூறும்போது 2000 ரூபாய் நோட்டுக்கள் பெரும்பாலும் பழையவை மற்றும் அதிகம் பயன்படுத்தப்பட்டதாக இருப்பதால் தான் இந்த சிக்கல் நேருகிறது என்றும் இதற்கு ஒரே வழி அனைத்து 2000 நோட்டுகளை ரிசர்வ் வங்கி திரும்பப் பெறுவது தான் என்றும் தெரிவித்துள்ளார்.

ரிசர்வ் வங்கியின் தகவலின்படி 2000 ரூபாய் நோட்டுகளின் புழக்கம் தொடர்ந்து சரிந்து வருகிறது என்பதும் நாட்டில் புழக்கத்தில் உள்ள மொத்த கரன்சிகளில் 2.4 சதவீதம் மட்டுமே 2000 ரூபாய் நோட்டுகள் இருப்பதாக தெரிவித்துள்ளது. 2022ஆம் ஆண்டு மார்ச் மாத நிலவரப்படி 2000 நோட்டுக்களின் புழக்கம் 1.6 சதவீதமாக குறைந்துள்ளது என்றும் தெரிவித்துள்ளது.